Natur z’Khur –Diin Isatz für d’Natur vor dinra Hustür! 1. August Special-Edition

Mitanand bekämpfend miar d’Neophyta in da wertvollsta Gebiat z’Khur. Hilfsch au du mit und pack mit ah für d’Natur vor dinra Hustür. Und wils fascht 1. August isch, gömmer nach em Schaffa nit in d’Baiz, sondern machens üs gmüatlich bi da kli Füürschala mit Gmüessspiessli und echtem 1. August Feeling. Khum doch au!

Hesch Lust, din Füürobig mol andersch z'verbringa? Mitanand göhmer da Neophyta z'Leib und machen Chur no schöner und natürlicher! 💪

Was lauft?
Jeda Donnschtig-Obig vu 17:30 bis 19:30 (oder so lang du magsch!) setzen miar üs für Churs wertvolli Naturgebiete ii: Seidengut, Schotsch und Rossboden. Miar ruumen uf, bekämpfet Neophyta und tüend dr Umwelt öppis Guats. 🌱

Und nachher?
Nach em Schaffa sitzemer gmüatlich zäma uf es Pläuderli, es Getränk oder eba amna 1. August Füür. Perfekt, um neui Lüüt kennazlerna und din Tag locker usklinga z’loh.

Warum grad du?

- Du hilfsch dr Natur vor dinera Hustür 🌍
- Du lernsch cooli Lüüt kenna 🤝
- Du powerisch di us und vergissisch din Bürostuahl 🪑

Bisch dabi?

Meld di jetzt a und pack mit a – Natur z’Khur freuht sich uf di! 💚