Biblixi - Stgazi d`istorgias rumantschas

En la Biblioteca da la citad da Cuira hai in grond stgazi d’istorgias, era rumantschas. E quellas istorgias sa chattan en ina stgatla fitg speziala. Ina giada il mais vegn la stgatla averta ed ina persuna raquinta da stailas crudantas, animals da la notg, chastels sgulants, muntognas che discurran ed anc bler auter.

Las prelecziuns han adina lieu la segunda mesemna dal mais en la Biblioteca da la citad da Cuira:
9 da settember / 14 d'october / 11 da november / 9 da december

Il «Stgazi d'istorgias» è ina cooperaziun da l'Uniun Rumantscha Cuira, da la Lia Rumantscha e da la Biblioteca da la citad da Cuira ed è part da la purschida Biblixi.

L'entrada è libra, nagina annunzia necessaria

Nus ans legrain sin Vossas visitas!